@Thatipur Life....

classs 9th start ho chuki thi aur mid class mein mujhe ghar shift karna pada abhi tak kabhi aisi jagha nahi raha tha bada hi azeeb sa feel ho raha tha usdin.......ek Govt.quarter jaisa ki sunna tha mere ghar mein kaafi saare plants the jaisi wajha se kaafi fresh feel ho raha tha aur kaafi acha garden bhi tha.....jagha bilkul nayi thi koi nahi jaanta tha yaha mujhe aur mere ghar ke just saamne se walk karne ka rasta tha jo darpan colony se aane waalo ke liye shortcut tha mayur market tak jaane ke liye.....phir kya tha ghar ke just saamne se mast mast apsaraye nikalti raheti thi.....meine kabhi apne school ki bus mein travel nahi kiya tha lekin mujhe school bus lagwani padi.....ab to cycle ride ke wo school jaane ke azad din khatam ho gaye the.....roz subha school bus ke liye ready ho jao aur ghar ke saamne waali bus stop ke khade raho ullu se....lekin mera sabse phela silly lover bhi mere ghar ke pass hi raheta tha aur hum dono ki bus bhi same thi.....jisse mein atleast bus mein bore to nahi hota tha....hum dono kaafi ache dost the aur phir evening mein wo mere ghar ajaya karta tha aur dono apni apni cycle pe nikal jate the azad parindo ki tarha apni udaan ke liye.....

Mera aur silly lover ka section class 9th start hone se phele hi alag ho gaya tha aur reason ye tha ki jo students apne convence jaise ki cycle ya paidal aate hai unka section alag karne ka decide kiya mere principal ne bada hi azeeb sa decision tha aajtak logic samjh nahi aya....lekin mere pyare dost deepak aur pankaj mere section mein hi the aur hum teeno saath baitha karte the aur class mein daily ek bench aage hone ka pattern start hua tha jisse saare students ko first bench par baithne ka chance mille....lekin ab mujhe koi dar nahi tha kyu ki meri english class teacher badal chuki thi to ab writing ko lekar mental tourcher band ho gaya tha.....

phir wo hua jo phele kabhi nahi hua mujhe first time kuch kuch hua.....meri class ki ek teacher jisso dekh kar bus shahrukh ki tarha sirf ek hi gana  gaane ko dil karta tha "ek ladki ko dekha to aisa laga".....wo meri english teacher thi jaisa ki aap sabhi ke saath hua hoga mujhe bhi apni class teacher se love ho gaya tha....unko chup chupke dekha karta tha...wo ek bahut khoobsurat lady thi unke baat karne ka ya chalne ka tarika itna nazakat wala tha ki bus dil karta tha mein  unko........

phir hamare school mein har bar ki tarha cultural activities hone waali thi aur mein last 2 years se perform kar raha tha group dance mein lekin is bar thoda panga ho gaya mujhe jaundice ho gaya.....aur phir kya meri watt lag gayi kaafi din school nahi ja paya aur birla hospital mein bhi admit bhi hona pada.....wo time tha jab meine jana ki hospitals mein doctors sirf paise kamane mein lage rahete hai aur patient se badkar ab paisa ho gaya hai.....aisa mein isliye bol raha hu kyu ki mujhe overdose de diya tha waha ke doctors ne unnecessary aur phir aur halat kharab ho gayi....kaafi pareshaan hua tha undinno phir doctor change kiya aur 2 months ke baad track pe aya thoda......phir kya tha jab tak saare school ke programs khatams ho chuke the aur exams aane waale the.....mein unwaqt apne bus stop ke khade hokar bhi pada karta tha kyu ki mujhe cover up karna padta tha jo bhi mera skip ho gaya tha.....lekin phir exams mein performance acha raha aur phir hamare school mein ek mam ayi thi jinka naam hum logo ne Gillu rakh diya tha kyu ki unke 2 teeth aage ki taraf nikle hue the......wo humko science padati thi to unhone undinno ek acha step liya jo mein aaj bhi appreciate karta hu.....har ek section mein kuch team bana di gayi jinko subject se related kisi bhi topic pe presentation dena tha aur wo aisa first time tha jab mujhe class ke saamne presentation dene ka chance milla aur mein kaafi nervous bhi tha lekin ek advantage tha un dinno ki mein padai mein kaafi acha hua karta tha aur har ek group mein kisi ko leader banaya jata tha jo presentation ki starting karta tha.....kaafi saare groups alredy perform kar chuke the aur finally the day came.....meri team mein ek ladki thi aur 2-3 ladke....aur mujhe presentation start karne ka chance milla aur meri awaaz thodi buland thi to meine presentation dena start kiya aur kaafi ache tarha se explain kiya aur jaise jaise mein bolta ja raha tha sabke faces ko dekh kar mera confidence aur badta ja raha tha kyu ki meine kuch beyond the MP board book jaane ka decision liya tha just to gather the information regarding that topic....aur meri colony mein ek vikram naam ka mera ek dost tha jo sants paul mein tha jo CBSC school tha to meine uski book ka use kiya tha apne presentation ko kuch hatke dene ke liye.....aur mera idea kaam kiya aur presentation waale din meine kaafi acha perform kiya.....undin mujhe yaakeen ho gaya tha ki agar sabke beech kuch alag hatke dikhna hai ya perform karna hai to outside the box socha padega....koi jaruri nahi hai ki jis raste sab jaye aap bhi us raste jao apna rasta aur soch apne hisab se banao......

Undinno hamare sections se ache students jo dosra section tha jismein silly lover hua karta tha wo tha.....to ek competition sa laga hua tha dono sections mein us presentation mein ache marks laane ka kyu ki cross question bhi hua karte the usmein...phir dono class mein jab saare presentation khatam ho jaane waale the tab marks bataye jaate the aur har ek section ke students ki curiosity raheti hai ye jaanne ki kiska presentation acha raha hai.....aur undinno vikrant,udyaan,koslendra ye kaafi ache students hua karte the aur ek ladki bhi kaafi naam kama rahi thi jo kaafi ache se active thi uska naam neha tha aur wo tirange ki relative bhi thi.....aur phir mere marks meri class mein highest the aur gillu ne mujhe akele mein bula kar bhi kaafi appreciation diya tha aur ye bhi kaha tha ab cross section seminar hoge usmein acha perform karna tum....lekin kisi karano se aisa hua nahi otherwise mein kaafi excited tha dosre section ke students ke saamne perform karne ke liye......

ye jo time the usne mujhe ye sikha diya tha ki humko kabhi bhi apne aapko kisi se kaam nahi samjhna chaiye aur jo bhi kaam kare dil se karna chaiye...aisa bahut bar hota hai ki aapka sab mazak banate hai aur wo chate hai ki aap poor perform karo....lekin hamesha dil se mahenat karo aur kisi ka to pata nahi lekin aapke GOD aapka saath jarur dege.....

Aur jab final exams ka result aya to mere science mein 90 marks the jo class ka highest tha....aur meine tabhi decide kar liya tha ki mein science mein hi apna carrier banaoga.....mujhe ek tarha science padhna bahut pasand aane laga tha....undinno mein summer vacation mein discovery dekhna bhi start kar diya tha.....

  

class 9th mein kaafi saare funny accidents bhi hue.....undinno ek ritu mam hua karti thi jo humko hindi padati thi aur ek din hum teeno-pankaj,deepak aur mein.....rotation policy ki wajha se first bench par baithe hue the aur ritu mam hamari bench pe apni book rakh ke pada rahi thi to unko board pe kuch likhna tha to chawk khatam ho gayi thi.....unhone mujhe chawk laane ko kaha lekin hamare deepak sahab ne masti ke mood mein mam ko zameen se chawk utha ke de di aur kaha ye hai to chawk.....phir kya tha deepak ke lambe lambe baal pakad ke mam ne 15 min tak uski dhulai ki aur mein dosri class mein hokar bhi aa gaya tha apni class mein aur jab tak meine mam ko unke haanth mein di nahi jab tak bhai ki marai lagti rahi......

phir meine uska khoob mazak udaya.....lekin thode din ke baad meri class mein ek essay competition hua jismein meine bhi participate kiya lekin jab meine mam se topic pocha to unhone mujhe kuch tarha naam bataya ki mujhe kuch aur hi samjh aya.....phir kya meine galat topic pe essay likh diya chalo wo sab to thk tha lekin jab mam ne mera essay dekha to unhone bola ki ye kya likha hai to meine bola ki aapne hi to bataya tha......phir kya tha wo pagla gayi ye sunkar aur mujhe bhi khoob mara yr....aur abhi bar deepak has raha tha kyu ki jo uske saath hua wo aaj mere saath ho raha tha.....lekin jab meri dulai ho rahi thi tab meri beautiful english teacher mere saanme waali class mein pada rahi thi aur wo mujhe dekh kar smile kar rahi thi.......bahut bura popat ho gaya tha usdin.........

Life ke ye chote chote mazedar accidents humko kuch na kuch jaroor sikha jaate hai jaise ki meine usdin ye sikha ki saala kuch bhi karo lekin kabhi kisi ka mazak mat udao kyu ki na ajaane kab aapko bhi wahi situations face karna pad jaye.....

Respect Others...........

Horror House....

Aapko kya lagta hai bhoot hote hai.....ya sirf hamari ek soch hai.....Lekin mein manta hu ki hote hai jis tarha hamari ek duniya hai waise hi unki bhi ek duniya hoti hai.....

Hum sabne bachpan mein apni dadi/nani se kuch na kuch kahaniya suni hai bhooto ki jisse hamare dil aur dimag mein ek dar bana raheta hai ki humko raat mein 12 se 3 ke beech nahi jana chaiye kuch aisi jagha jaha kuch aatma ka waas ho.....aur Indian Cinema mein bhi kaafi saare serials bhi ban chuke hai real stories pe jo ye darshate hai ki kuch na kuch to jarur hai jo har waqt humko dekh raha hai ab chahe wo hamare apne purwaj ho jo ab duniya se chale gaye hai ya phir kuch buri aatma......

ye baat hai un dinno ki jab @tansen nagar mein raheta tha lekin achanak se mere rent house mein kuch floor ka issue ho gaya tha jisko re-construct karne ko humne apne owner ko bola lekin wo kaam kaafi bada tha jiski wajha se humko wo ghar khaali karna pada lekin owner se ache terms hone ki wajha se unhone humko ek ghar recommend kiya jo next to next line mein tha.....phir uswaqt mere parents ne govt.quater ke liye bhi apply kar diya tha jo humko 2-3 month mein allot hona tha.....lekin ye 3 months meri life ke bade horror days the humne shift kar liya kaafi bada ghar tha wo.....ab kam time ke liye rahene ki wajha se humne kuch puja paath bhi nahi karwaya....wo ghar aisa tha ki uske peeche ek school tha aur neeche bhi lekin summer vacation ka time tha wo to sab band tha un dinno.....phir normal routine start hua waha hamara....mere almost saare dost kahi na kahi ghoomne chale gaye the summer vacation pe.....mein bore hota raheta tha to mere ghar ke peeche hi school ki taraf jo teerace thi uske liye gate  hamare ghar ke peehe tha.... asal mein wo teerace common thi school aur hamare liye.......mujhe books reading suru se hi kaafi pasand rahi hai......raat ko padne ki adat thi aur mera kitchen us back door ke just bagal mein tha....to padte padte mujhe payas lagi to mein paani peene gaya phir usdin mujhe achanak se aisa laga ki koi mujhe dekh raha hai meine peeche mud ke dekha to koi nahi tha to mujhe laga meri sister mujhe dara rahi hai hum dono kaafi ladte rahete the....jaise ki har ek brother sister ki ladai hoti hai....us din raat ke 12:30 baje chuke the....phir meine apni sister ka naam liya to koi reply nahi aya.....aur jab meine uske room mein dekha to wo soo rahi thi aur phir meine bahut azeeb sa feel kiya mujhe aisa laga koi lady nikli mere bagal se mere rongte khade ho gaye.....aur mein samjh gaya ki kuch to panga hai meine baba ki aarti padhna start ki aur jaldi se bahar waale room mein chala gaya.....jaisa ki aap sab jaante ho ki mein bachpan se mandir jaya karta tha har roz subha apni amma ji ke saath....to meine kahi sunna tha ki agar aapke roongte khate ho jaye kabhi raat ko to samjh lena koi hawa pass hui hai tumhare bagal se aur jo fact bhi hai......dharmik background ka hone ki wajha se mujhe kaafi saare mantra bhi yaad the jo us raat meine padhe aur phir mein soo gaya.....subha meine apni mummy ko bataya to unhone bola ki mein agli bar paani peene jao to unko utha liya karu......phir aise ek na ek din karke mere parents ne bhi wo lady ka hona mahesus kiya.....hum sab samjh gaye the ki kuch na kuch to hai yaha koi nagative energy hai jo yaha waha bhatak rahi hai.....phir humne pata kiya to pata chala ki peeche waale ghar mein kaafi time phele ek lady ne khud ko aag laga li thi aur hum jab kisi jaankar ko apne ghar laye to usne bhi bol diya ate hi kuch negative energy hai yaha....un dinno mere father mujhe ek mandir le jaya  karte the jo thatipur mein hua karta tha SHRI SANTOSH GURU JI ka hanuman mandir tha darpan colony mein jaha mein abhi tak jata hu....phir guru ji ko jab ye sab bataya to unhone bhi kaha ki tum wo ghar khaali kar do....phir humko thatipur mein quater allot ho gaya aur phir humne 9th class mein shift kar liya yaha mere ghar ka no.39 tha jismein 9 mera lucky no hai....lekin yaha ate hi humne sabse phele khatha karwai kyu ki agar aapko kisi bhi ghar se negative energy hathani hai to uske liye apne hindu dharm ke anusar puja paath karna chaiye jo naa sirf aapko na protect karti hai balki ek confidence bhi deti hai jisse aap apni society ke bura logo ke saamne khade rahene mein bhi nahi darte kyu ki aapko pata raheta hai har roz mein jis bhagwan ki aaradhna karta hu wo meri har pal rakhsha karega......

ye positive energy hi thi ki hamari family ko wo negative energy bhi kuch nuksaan nahi pahucha payi....

Kyu ki ye baat to pakki hai yaha negative energy bhi hoti hai kyu ki agar aap gwalior mein rahete hai to aapko yaad hoga jab MG road par itna development nahi hua tha to kuch saal phele waha ek lady jo har raat ko laal jode mein lift maanga karti thi thik raat 12 ke baad aur phir gayab ho jaati thi jisse kaafi saare accident bhi hue the waha....jo mein nahi saara sahar bolta tha.....

Bachpan se bhi hum sunte aate hai ki apni country mein ache insaan kodiyo ke bhaav bick jaate hai unko koi nahi pochta lekin mein aisa nahi maanta kyu ki aaj bhi chahe Ramayan ki baat kare ya phir mahabharat ki dono mein hi jeet positive energy ki hui hai.....bus apne bhagwan par bharosa rakho wo kabhi aapka bura nahi chahega aur kabhi apne aap ko kisi se compare mat karo...is duniya mein socho aapke jaisa koi nahi hai agar hota to kya aap kabhi ate yaha......